KABALADAH PERMATA BEUREUM

Gusti Abdi

ieu diri disangkareupkeun kana hal anu dumasar kana sipat kamanusaan diri
asa mokaha titadina natapakan nu kiwari kajantenan
bumela kasasama sakapeung janten tanggelan papada
nu saenyana diri abdi masih can permana tingal sampurna
ja enya abdi manusa biasa ciptaan Salira
musabab jerona hate manusa anging Anjeun anu uninga

di lebah dieu
abdi pinanggih hal anu janten gundreng ngobrol sareng Anjeun di amparan sisi sagara manah
tumibana diri kana hal anu teu bisa dianggep enteng
nalika dumasar bumela ka papada anu ditindes
namung kiwari ieu nu karandapan kalakon nimbulkeun rasa salah anu mangmang
masih cangcaya kana kabenerrananna

Asih diri nu kacutat dina Carita Asmara, nyungkeban ngabeulit hal nu disanghareupan ayeuna
nyungkelit ngudag bagea rasa jeung bagea salaku abdi Gusti
ngabaladah ngudab bagea rasa jeung bagea permata beureum
nya Abdi tanggellanana
diri nu nyepeng pancen dina Ugana


Tentrem ayem nu di pirig hiliwirna angin nebihan

Benteng asih sajati
nu moal aya dua didunya ieu
ayana dina kaendahan

Layeut kageugeut
Sora paguneman
dina teuteup aya surti endah kabagjaan

Seueur nu masih di simpen
Di diri nu migusti diri ka diri

RINGKANG SILIWANGI

( ringkang Salancar )
Nanjerna hiji Bangsa 
Kunanjerna Budayana
Nu ilang kapungkur 
Mulang mangsa ayeuna
Musabab kami anger midang tandang makalang 
Seja ngabeukahkeun kembangna Padjadjaran.


Diri bihari nu ngancik kiwari
Kalarapkeun nyatana midang bingah di kalang kamulya
Bagea bagea bagea





Ligar kiwari
Seungit nyambuang sabuana
Kembang kawangi salancar tepakan
Di sampurnakeun geungna go'ong
Rampak ngarekes ka sang Prabu Siliwangi
Mundingkawangi keom mirigan ibing
Duh kembang ligar kawangi
Nuustari manjing kiwari.

Rahayu degung dangding kacapi
Lengking suing halimpu kawih
Kidung pangayun ngayun ambing
Wangsit Siliwangi noleat pantun
Haleuang di rancamaya

Kidung jadi panuntun
Tontonan jadi tuntunan
Gulung Maung ahung Karuhun
Ngabudi bakti ka sang Rumuhun

Nanjer Bangsa ku Puragabaya
Nalika papasten twu di samuni deui
Pinaati sayakti
Muhit mukti sewu siwi
Ngaharti Suliwangi.

Rahayu ahung sagung dumadi
Ahung tatiya ahung
Mi indung ka gunung mibapa ka sagara
Munjing ka indung muja ka bapa
Rahayu bagea mulya waluya saSunda.

Sunda jero dada
Padjadjaran kandagaNa