Meunhmeuy kalimah nu nyampak sakuriling jagat
bibitna ti kahyangan
dipelak di alam dunya
Dipale jampe pamake
di cahayaan ku cahya harti
Saranggeuy mawa geuhgeuy
sadahan muncar wibawa
Waruga muka lambar carita
Diraksukan nyari
Ditotopong mawa sono
Jajaka sidengdang jadi sawangan
Ngadampal amparan jagat
Sajagat kariksa rasa
rasa sajatina rasa
Ngudar raksukan Sang Dewata
medar beja ngajadi nyata ayana
mukakeun lalakon baheula
mulang kiwari mangsana
ngancik dina ati nu rumasa
nyanding dina wujud
tumiba kanu nalangsa tunggara dunya
Nyorang titis tulis
geuning enya kedah Karerab kahaseupan
Khatam dawam, enyaan tapa luhureun hawu
sangkan asak pangeusi awak
saur sepuh harewos hyang
Sari nyari jadi daging
asa ngaping tulang jeung sumsum
Asih ngajirim beubeureum getih
minangka wiwaha pulas kasuka
Komara rasa jadi cahya
Nyaangan lampah ku lengkah
Deukeut paneuteup jero panenjo
Geusan nanggeuy angkeuhan maneuh
Ngajati ngajadi dina diri
Panyaur asa ku luhung
najan enya laku can manggih tungtung
Mangsa wanci jadi ciri nyorang pipir takdir
ieu Abdi Gusti munajat ka Hyang Widi
Neda asih sakumahaning jangji
Asih sajati nu di anti
nu ngagalecok sajeroning ati sanubari.
bibitna ti kahyangan
dipelak di alam dunya
Dipale jampe pamake
di cahayaan ku cahya harti
Saranggeuy mawa geuhgeuy
sadahan muncar wibawa
Waruga muka lambar carita
Diraksukan nyari
Ditotopong mawa sono
Jajaka sidengdang jadi sawangan
Ngadampal amparan jagat
Sajagat kariksa rasa
rasa sajatina rasa
Ngudar raksukan Sang Dewata
medar beja ngajadi nyata ayana
mukakeun lalakon baheula
mulang kiwari mangsana
ngancik dina ati nu rumasa
nyanding dina wujud
tumiba kanu nalangsa tunggara dunya
Nyorang titis tulis
geuning enya kedah Karerab kahaseupan
Khatam dawam, enyaan tapa luhureun hawu
sangkan asak pangeusi awak
saur sepuh harewos hyang
Sari nyari jadi daging
asa ngaping tulang jeung sumsum
Asih ngajirim beubeureum getih
minangka wiwaha pulas kasuka
Komara rasa jadi cahya
Nyaangan lampah ku lengkah
Deukeut paneuteup jero panenjo
Geusan nanggeuy angkeuhan maneuh
Ngajati ngajadi dina diri
Panyaur asa ku luhung
najan enya laku can manggih tungtung
Mangsa wanci jadi ciri nyorang pipir takdir
ieu Abdi Gusti munajat ka Hyang Widi
Neda asih sakumahaning jangji
Asih sajati nu di anti
nu ngagalecok sajeroning ati sanubari.
Tidak ada komentar:
Posting Komentar